Тоҷикон дар асри Х устод Рӯдакӣ барин доҳии забон ва санъатро расонданд, ки тамоми халқҳои форсизабон аз адабиёти оламшумули худ аз ин устод миннатдор аст. Садриддин Айнӣ. Тоҷикон дар қаламрави Ориёно (гирдоварӣ, пажӯҳиш ва таҳияи М.Шукурзода). −Душанбе: Деваштич, 2009. – 478 с.–С.42

ФЕҲРАСТ ВА КИТОБҲО

Забон ва юрислингвистикаи тоҷик

Забон ва юрислингвистикаи тоҷик

Маҷмӯаи мақолаҳои забоншинос, доктори илмҳои филологӣ, профессор Шокиров Туғрал мебошад, ки соли 2013  дар нашриёти “Андеша”‑и шаҳри Хуҷанд ба ҳаҷми 192 саҳифа чоп шудааст.  Дар муқаддима мураттиб, номзади илмҳои таърих, дотсент Ғозиева Санавбар, ки китобро шартан ба чаҳор қисм ҷудо кардааст, чунин таъкид мекунад: Соҳиби китоб дар ҳар як мақолааш фикру андешаҳои тозаву ҷолиберо манзур доштааст, ки аз мутолиааш устодону шогирдон ва ҳаводорони забон, забоншиносӣ, ҳуқуқшиносӣ, таъриху сиёсатшиносӣ баҳрае хоҳанд бардошт.

Китоб моҳи декабри соли 2017 ба китобхона ворид шуда, дар толори хониш ва шуъбаи хизматрасонӣ нигоҳдорӣ мешавад.

Маъмурияти Китобхонаи вилоятӣ ба муаллиф аз номи китобдорон ва истифодабарандагон миннатдорӣ баён мекунад.